碎濕濕，其實好好味😋

如果有好多份大大小小包住嘅神秘禮物俾小朋友揀，大家都知道，多數嘅小朋友一定揀最大嗰份。

同樣，家裡雀鳥如果有好大兜糧揀嚟食，佢地一定先食大粒嘅糧，或者佢鍾意嘅嘢食先。因為呢個係動物嘅本能，大大份無洩底丫嘛。食完呢啲後，佢地就會食一啲佢地認識或者信任嘅食物。最後，如果唔夠飽，至會食一啲細粒或不認識嘅糧食。

大家又唸下，街上啲白鴿麻雀成日係地下啄下啄下咁食嘢，啲嘢細到你我根本睇唔到。其實雀鳥視力比我地犀利好多，同埋佢地嘅嘴同舌頭都非常靈敏㗎！

所以，大家其實唔洗擔心啲糧太碎雀食唔到㗎。不過講到尾，大家亦要理解：食種子會有好多殼剩，食合成糧亦會有粉剩，就好似我地食薯片餅乾咁，咬一口一樣有碎又粉跌落嚟㗎。所以如果剩底啲粉就由得佢啦。

如果寶貝剩下好多碎糧（不是粉）唔食，咁原因係兩個：1）落糧落太多，導致佢唔食碎糧都好飽或勉強夠飽，所以唔食啲佢懶得嘗試嘅嘢；或 2）你太錫佢啦，佢地好聰明知道你底線，知道你會加糧俾佢所以咪揀飲擇食，所以又係唔食啲佢懶得嘗試嘅嘢，等你添加咯～

所以我地要唸下一啲方式誘導佢地嘗試不同嘅食物，當佢地試過之後，其實會發現羽衣の家啲糧又粉至粒都係咁好味更重要係，對任何食物保持開放態度其實係好重要嘅求生技能，所以一定要教教佢地，唔可以縱啊！如果遇到以上情況，可以whatsapp我同你一齊調教餵飼方式。💪