搜尋

雛鳥餵飼Q&A

已更新:2021年10月2日

雛鳥跳求奶舞時的確非常非常可愛吸引,令到好多未養過雀嘅朋友見到都一見鍾情,買一隻返屋企養/玩下(真係希望唔好貪新鮮玩下)。不過雛鳥飼養難度大,尤其是當雛鳥離群去到新環境,表現可以完全改變。未識咬糧嘅雛鳥需要兩三小時餵一次,每早餵食須在6AM開始。不同種類的雀鳥斷奶期完全不一,籠統來說越長壽雀鳥斷奶期越長,有可能長達數月,缺奶吃不夠飽、或餵飼不當而不願斷奶的情況下,幼鳥會呱呱大叫製造可怕噪音,大家必須考慮清楚才選擇飼養未斷奶的雛鳥。


奶餵到嘴邊但係BB點都唔開口點算?

好多新手都會遇到以上問題而求救。當雛鳥離群去到新環境,會因為怕怕同唔習慣而變得難搞。而通常當奶餵到嘴邊但係雛鳥點都唔開口,就係因為佢怕怕同埋唔知道你餵佢食嘢,更有可能係奶溫唔啱。大家可以以一滴熱奶滴到雛鳥嘴邊,雛鳥感受到溫度便有可能開口。是啊!開奶必須注意奶溫!一般建議用熱水同埋用個細玻璃杯開奶,然後外面用個碗用熱水浸住保暖。餵入口前一定要用「手背」試溫度(不是手指)。餵雛鳥食時必須夠熱但不燙「手背」(溫度不得超過37度)。


BB知飽嗎?

知道㗎!雛鳥飽時開始頭會轉開不再索奶。餵飽奶雛鳥嗉囊會漲大,等約2-3+小時消化完嗉囊會清空,清空後可再餵奶。餵食必須在每日6AM開始。一般而言,

  • 2週內雛鳥每2-3小時餵一次(嗉囊清空後);

  • 2-3週雛鳥每3-4小時餵一次;

  • 3-4週雛鳥每4小時餵一次,在雛鳥容易觸及範圍放置「小學雞配方」及水;

  • 5-6週幼鳥,視乎品種及自己識食情況,每日餵2-3次,及在容易觸及範圍放置「小學雞配方」及水,以及多鼓勵雛鳥自行進食;

  • 7-8週以上幼鳥,早上開始慢慢skip早奶,只在睡前餵飽奶,其餘時間鼓勵雛鳥自行進食;

  • 8週以上幼鳥應該開始斷奶。


雛鳥可以轉奶嗎?

當然可以。 可以頭一兩餐請用前先將新奶粉與用開的奶粉混和餵飼,等雛鳥慢慢習慣。


稀奶容易餵,係咪比較好?

當然不是!當然不是!當然不是!當然不是!當然不是!

奶嘅濃度唔夠,會好快導致雛鳥長期飢餓及缺乏營養,導致發育遲緩,繼而引發其他身心問題。 除非是剛出殼被棄養的雛鳥,否則一般已有一週以上大的雛鳥,必須使用1比2份量奶粉——即1份奶粉兑2份水,糊仔狀嘅奶粉餵飼。


如何教斷奶?

可用羽衣の家小學雞配方,於日頭放在籠內幼鳥容易觸及的地方等佢口痕去咬,主人也可經常拿去嘴邊鼓勵佢試。保持正常餵奶(但早上半份量奶及逐日減少至skip早奶)不要強硬斷奶。幼鳥隨著自己食嘢能力增強會自動厭奶。

1,045 次查看0 則留言

最新文章

查看全部
  • Black Facebook Icon
  • Black Instagram Icon