便便有水=肚痾？
當然不是！當然不是！當然不是咁簡單分析！
便便唔一定係乾身才是靚，係好視乎佢食開啲咩食物。今日同大家一齊分析一下～
大自然的便便💩
大家有無試過行行下街中招，空降💩啊？而且一pat嘢好濕好難清潔⋯⋯因為大自然嘅雀食嘅係天然食材，不是粉碑出來的合成糧會吸水，所以佢地嘅💩係一定有便有水㗎。
自養雀的便便💩
食種子：種子多油，所以種子雀飲水會比較少的，便便會有少許尿液但因飲水少其實唔多健康；
食合成糧：如果淨食合成糧因為合成糧係粉碑出嚟所以會吸水，便便乾身乾淨看似很靚，但其實並不是正常雀鳥便便（但屬於健康）。如果食合成糧嘅雀便便多水，咁就有可能肚痾或嚴重的話，可能腎臟問題或感染球蟲病；
食羽衣の家配方糧：雀便便會水便分明，有成形嘅便便同尿液，屬於正常健康。
另外，飲奶BB、早上的初便或剛剛進食不久的成鳥便便比較多水屬正常（如圖最右邊便便）。有蔬果食嘅小朋友亦都會痾比較濕嘅便便。這些都是正常現象。
便便唔係啡色=有病？
當然不是！當然不是！當然不是！
便便顏色會視乎雀鳥食咩而有所不同， 並不是有色便便就一定有病喔～ 比如飲奶同食合成糧嘅小朋友便便會淺啡色；種子雀便便會墨綠色；而食羽衣の家雀便便會由淺至深啡色、深綠色甚至橙紅色不等（因為入面有不同的天然食材）。
便便有過程 🤣
初食羽衣の家配方糧，雀會飲多返水。而轉糧初期，因為會飲多咗水，及未食得多，所以便便一開始會顯得多水屬正常，只要按照餵飼方式調教好小朋友飲食習性及份量，小朋友就會開始越食越多同便便慢慢收水越來越靚。轉糧初期，如發現小朋友持續水便，即有可能小朋友揀飲擇食而導致未食得多，可以聯絡羽衣の家幫忙調教飲食習慣。（王牌天然配方便便會相對多少少水，因為屬於全天然食材。）